举报

去旅行唔想跟團，其中一個原因係唔想同其他人一樣去千篇一律的地方，食一模一樣既嘢。
對於一個平常好懶既我，對於去旅行，我可以用多啲時間去揾唔同既嘢玩，當然去唔去到，就要講彩數，同埋同行的朋友仔肯唔肯同你去揾同去博了。

Chefchaouen一般都係在藍城內hea吓，影吓相，食吓嘢，當然已經很不錯，仲好靚添。在揾資料時，剛好有朋友仔話會唔會啲大自然活動，咁我就打chefchaouen +hiking/trekking，又比我揾到啲資料喎，原來有老外教去行山，其中一條風景最好的是Akchour Waterfall and God's Bridge。睇相同YouTube係幾靚，但冇常規交通，只是說可以跟團、自己租車，或併車去，亦冇太多資料。

我們去到問人，又問唔到，最後網上問價又好鬼貴(要120-150 EUR)，最後問了房東，他說可以在的士站併車，我們計下數，就算包車來回都係500MAD/50EUR，就算叫埋佢等我地最多都係80EUR啫，就再去的士站問，去到雞同鴨講，最後都比我地揾到只是2.5EUR一位，來回二位都係10EUR，十分抵玩。原來都算有啲當地人及老外會去。所以我都就好放心出發。

原本我想按計劃先去Akchour Waterfall (來回4小時)，再看看去唔去埋God's Bridge, 但途中遇上一個 阿根廷 人，她說她會先去God's Bridge，咁我地又十吓十吓跟佢去，途中當地人叫我地唔好上山，行河道就好了，但我死唔信，係要上山去揾God's Bridge，最終玩耐咗，唔夠時間去Akchour Waterfall，加上天氣都幾熱，所以改埋去河道的God's Bridge底，嘆吓汽水，叫做行過吓山，有點不同的行程，滿足下自己的所謂與別不同就算了😂😜😂😜😂😜